Behotsik Orkestrak eta JOECOM Orkestrak, Ópera Divertimento taldearekin batera, ‘La Flauta Mágica. Tu Primera Ópera’ ikuskizuna aurkezten dute, umeei zuzendutako opera ikuskizuna, musika lirikoaren mundura hurbiltzeko eta Mozarten Flauta Magikoaz gozatzeko aukera.

Antzinako garaiak. Taminok eta Papagenok, Ilargi Erreginaren konpainia dama den Oscurillak iruzur eginda, Eguzki Errege maltzurrak gatibu daukan Paminaren erreskateari ekingo diote. Hasierako lekualdatze fisikoa barne bidaia bihurtuko da. Eguzki Erregea jakintsu espiritual eta justua dela ikusiko da; Ilargi Erregina, izaki irrazional eta gaiztoa.

Ongintzazko kontzertua izango da, izan ere, sarrerekin lortutako irabaziak Voces elkartearentzat joango dira, arte eta kulturaren botere eraldatzailea erabiliz txirotasunaren aurka borrokatzen duen elkartea. Sarrerek 5€-ko prezioa izango dute (3€ 18 urte azpikoentzat) eta kontzertua egingo dan tokian bertan erosi daitezke kontzertua hasi baino ordu erdira arte.