Pasioaren indarra izeneko programa honetan musikaren historian zehar bidaiatuko dugu, Beethoven (1770-1827), Brahms (1833-1897) eta Bernsteinen (1918-1990) musikaren bitartez. Garai eta estilo desberdineko konpositoreak, baina musikaren energia, kemena eta indarra elkarbanatzen dute, ongintzazko kontzertu hauetarako ezin aproposagoa dena.

The Walk On Project (WOP) erakundearen aldeko ongintzazko kontzertu hau, apirilaren 13an, arratsaldeko 19:30etan, Bilboko Deustuko Salesianos ikastetxeko antzokian izango da, The Walk On Project (WOP) elkartearen alde. Sarrerak jadanik salgai daude elkartearen webgunean, 10 €-ko prezioan.